चांदुर रेल्वे/प्रतिनिधि.
अमरावती जिल्ह्यात चांदुर रेल्वे तालुक्यातील श्री क्षेत्र सावंगा (विठोबा) येथील श्री विठोबा संस्थान उर्फ श्रीकृष्ण अवधूत बुवा संस्थान येथे दिनांक १०/३/२०२४ रविवारला दुपारी ४.०० वाजता संस्थानमध्ये “चंदन-उटी ” कार्यक्रम,सायंकाळी ५.३० वाजता सर्व बाहेर गावातील भाविक भक्तांकरिता “महाप्रसाद” आयोजित करण्यात येणार असून संस्थानचे अन्नदान समितीचे नियोजनात या महाप्रसादाचे आयोजन करण्यात येत आहे.
तरी सर्व भाविक भक्तांनी या महाप्रसादाचा अवश्य लाभ घ्यावा.दरवर्षी पेक्षा या वर्षी संस्थान तर्फे “गुढीपाडवा-यात्रा महोत्सव” विशेष नियोजन तयार करण्यात आले आहे.या मध्ये भाविकांना बसण्यासाठी भव्य-मंडप,दर्शन बारी नेट-मंडप आणि यामध्ये थंड पिण्याचे पाणी व्यवस्था,सर्व यात्रा प्रवेश मार्गावर मंडप व्यवस्था, भाविकांसाठी भोजन-व्यवस्था,बाहेर गावावरुन येणाऱ्या अवधूत भजन मंडळांना जागा सुविधा,सेवाधारी आणि स्वयंसेवक यांचे मंदिर-नियोजन, संस्थानच्या विविध यात्रा महोत्सव समित्या, इत्यादी प्रकारचे नियोजन संस्थानचे वतीने करण्यात येणार आहे.तरी सर्व भाविक- भक्तांनी या कार्यक्रमाचा लाभ घ्यावा तसेच या “गुढीपाडवा यात्रा महोत्सवाला” तन मन धनाने सहकार्य करावे, अशी विनंती विश्वस्त मंडळाच्या वतीने करण्यात येत आहे.
